Напярэдадні Прэзідэнт Беларусі Аляксандр Лукашэнка быў запрошаны кіраўніком Расіі Уладзімірам Пуціным сумесна наведаць адну з праваслаўных святынь усяго паўночнага захаду - Валаамскі манастыр. Лідары дзвюх краін пабывалі ў Спаса-Праабражэнскім манастыры. У асноўным храме падышлі да мошчаў Сяргея і Германа - заснавальнікаў Валаамскага цуду. Ля іконы Божай Маці запалілі свечкі.
Валаам адзіны духоўна, але геаграфічна гэта архіпелаг астравоў. А таму, каб дэталёва разгледзець святыя мясціны і дакрануцца да праваслаўных святынь, прэзідэнты выкарысталі катар. Падчас размовы са святарамі Аляксандр Лукашэнка распавёў, што рады быць тут упершыню разам са сваім сябрам Уладзімірам Пуціным. Зрэшты, і лідараў, і нашы краіны аб'ядноўваюць не толькі палітыка і эканоміка, але і духоўныя сувязі беларусаў і расіян. Кіраўнікі дзяржаў таксама агледзелі скіт у імя Усіх Святых, царкву Смаленскай іконы Божай Маці, наведалі капліцу, асвячоную ў гонар сям'і цара Мікалая Другога.
Лідары Беларусі і Расіі пабывалі ў Спаса-Праабражэнскім манастыры
18 июля 2019