Прэзідэнт сёння, паводле традыцыі прымаючы ўдзел у суботніку, скажа: "Кожны год трэба прыўносіць іскрынку".
Аляксандр Лукашэнка працаваў у мемарыяльным комплексе "Хатынь". Месца, без сумнення, сакральнае для кожнага беларуса. І Першы надае яму асаблівую ўвагу. Кіраўнік дзяржавы перад пачаткам прац азнаёміўся з добраўпарадкаваннем мемарыяла. Нядаўна тут аднавілі царкву. Разам з беларускім лідарам на суботніку - працоўныя калектывы. Памянялі на адзін дзень мікрафон на лапаты і граблі журналісты! З такім саставам любая праца ў радасць.
Зараз у "Хатыні" з'явіўся невялікі дубовы гай - Прэзідэнт са сваёй брыгадай высадзілі 80 дрэў. Аляксандр Лукашэнка другі год запар прыязджае на суботнік менавіта ў гэты мемарыяльны комплекс. Апошнія некалькі гадоў праходзіла рэстаўрацыя "Хатыні", актыўны ўдзел брала і наша моладзь. Тут нават была абвешчана Усебеларуская моладзевая будоўля. Сёння юнакі і дзяўчаты таксама ў працоўнай абойме.
Прэзідэнт месяц таму наведваў мемарыяльны комплекс у васьмідзясятую гадавіну хатынскай трагедыі. Да гэтай даты тут таксама быў пабудаваны музей. Падчас сваёй сакавіцкай паездкі кіраўнік дзяржавы падкрэсліваў важнасць захавання гістарычнай памяці. Сам жа музей напоўнены мноствам экспанатаў і сучасных інтэрактыўных тэхналогій, якія дазваляюць максімальна дэталёва расказваць аб страшных падзеях тых гадоў.
