Кадравы аўторак. Прэзідэнт узгадніў новых кіраўнікоў мясцовай вертыкалі ўлады і кіраўнікоў ведамстваў

15 Студзеня 2019

Памочнікам Прэзідэнта ў Гродзенскай вобласці сёння прызначаны Іван Лаўрыновіч. Старшынёй Дзяржстандарту стаў Валянцін Татарыцкі. Міністр транспарту і камунікацый Беларусі з гэтага часу Аляксей Аўраменка. 

Абноўлены пул кіраўнікоў мясцовай вертыкалі. Сёння Прэзідэнтам узгоднена прызначэнне старшыняў райвыканкамаў у Ветцы, Нароўлі, Рагачове, Клецку, Пухавічах і гарвыканкама ў Жодзіне. Генадзь Барысюк стаў намеснікам старшыні Брэсцкага аблвыканкама. 

Адразу два новыя намеснікі ў старшыні Мінгарвыканкама. Гэта Аляксандр Дараховіч і Арцём Цуран. Задачы для кіраўніцтва сталіцы былі вызначаныя зусім нядаўна. Галоўнае - зрабіць Мінск горадам утульным і зручным для жыцця. 

Прэзідэнт адзначыў, што нямала зроблена ў абнаўленні абласных цэнтраў - Брэста і Гомеля. Асабліва ў сацыяльнай сферы. За вынікі гэтай працы - сур'ёзнае папытанне з кіраўніцтва аблвыканкамаў. Прэзідэнт анансаваў свае паездкі ў гэтыя рэгіёны, каб ацаніць развіццё абласцей. 

Звяртаючыся да новых кіраванцаў, Аляксандр Лукашэнка нацэліў іх на дысцыпліну і выканаўчасць, а таксама перасцярог ад фактаў карупцыі. Найважнейшая задача мясцовай вертыкалі ўлады - палепшыць жыццё людзей.

Змены закранулі і дыпкорпус. Прадстаўляць інтарэсы нашай краіны ў Літве і развіваць добрасуседскія адносіны з гэтага часу будзе Валерый Бараноўскі - ён зараз Надзвычайны і Паўнамоцны Пасол Беларусі ў Літоўскай Рэспубліцы. Дыпмісію ў Францыі ўзначаліць Ігар Фісенка. 

Акрамя таго, з сённяшняга дня новы рэктар у Беларуска-расійскім універсітэце ў Магілёве. Узгадняючы на гэтую пасаду Міхаіла Лусцянкова, Аляксандр Лукашэнка звярнуў увагу, што школьныя і праграмы ВНУ трэба рэанімаваць і прывесці ў нармальны стан.


Папулярныя

Рэкамендуемыя

Зараз чытаюць

Рэкамендуемыя