Кадравыя рашэнні Прэзідэнта. Юрый Назараў - новы віцэ-прэм'ер, будзе курыраваць нафтахімічны комплекс

3 Сакавіка 2020
Рабочы дзень у Палацы Незалежнасці сёння пачаўся з разгляду кадравых пытанняў. Прэзідэнт прызначыў Юрыя Назарава намеснікам прэм'ер-міністра.


Юрый Назараў - намеснік прэм'ер-міністра

Зараз ужо экс-кіраўнік Беллеспаперпрама ва ўрадзе будзе курыраваць пытанні нафтахімічнага комплексу. Гэты кірунак заўсёды быў стратэгічным для беларускай эканомікі. А ў актуальных няпростых умовах важнасць сферы вырасла яшчэ больш.


Эканоміка нафтахімічнага комплексу

Адразу ж пасля прызначэння Юрый Назараў на новай пасадзе прыняў удзел у першай вялікай нарадзе. Дарэчы, профільнай: на парадку дня стратэгія дзеянняў на рынку вуглевадародаў. Найбуйнейшы пастаўшчык нафтапрадуктаў працягвае вырашаць свае пытанні выгады за кошт беларускага пакупніка. Узаемныя абавязацельствы апошнім часам перасталі быць аргументам для партнёрства, выгаднага ўсім бакам.

Зараз Беларусь кожны месяц недаатрымлівае каля мільёна тон сыравіны. Ланцужок наступстваў цягнецца і да ўнутранага рынку паліва, і да якасці працы нашых прадпрыемстваў перапрацоўкі. У доўгатэрміновай перспектыве такі стан спраў можа істотна паўплываць на ВУП краіны і прыбытковую частку бюджэту. Таму перад урадам зараз на першым плане не новая задача - дыверсіфікацыя крыніц эканамічнага росту. Эканамічная незалежнасць і разлік толькі на ўласныя сілы - гэта, мабыць, адзіна правільнае выйсце з сітуацыі, якая склалася.

Найважнейшы аспект - лагістыка альтэрнатыўных паставак. Пэўныя напрацоўкі - праз Украіну па нафтаправодзе Адэса - Броды і праз парты на Балтыцы. Апошні кірунак можна палепшыць трубаправодным спосабам. Таксама Прэзідэнт нагадаў  пра сур'ёзныя заявы і намеры з боку ЗША. Размова якраз пра танныя крэдыты на будаўніцтва балтыйскай трубы. Падобны фармат сустрэч на ўзроўні Прэзідэнта, судзячы па ўсім, стане рэгулярным. Важнае нафтавае пытанне ўвесь час на кантролі Кіраўніка дзяржавы.