Буйныя нацыянальныя праекты, погляд на фінансавы рынак краіны і праблемы беларускага футбола. Гэта тэмы рабочай сустрэчы Прэзідэнта з кіраўніком Банка развіцця Сяргеем Румасам. Ён адначасова з'яўляецца і кіраўніком футбольнай федэрацыі.
Аляксандр Лукашэнка перш за ўсё цікавіўся дзейнасцю Банка. Гэтая структура створана з мэтай падтрымкі беларускага экспарту, развіцця сярэдняга і малога прадпрымальніцтва, а таксама фінансуе значныя для эканомікі інвестпраекты, напрыклад, у дрэваапрацоўцы. З 2015, калі ў Беларусі было прынята рашэнне аб дзяржпадтрымцы сем'яў пры нараджэнні трэцяга і наступных дзяцей аднаразовай безнаяўнай выплатай, у Банка развіцця з'явілася і яшчэ адна важная задача - эфектыўнае кіраванне сродкамі сямейнага капіталу.
Таксама Аляксандра Лукашэнку цікавіла сітуацыя ў беларускім футболе. Крыху пазней да сустрэчы далучыліся аўтарытэтныя трэнеры, якія прадэманстравалі Прэзідэнту сваё бачанне праблем. Прэзідэнт звярнуў увагу, што дзяржава робіць усё для развіцця самага масавага віду спорту. У сваю чаргу і функцыянеры павінны падставіць плячо. У прыватнасці, у Беларусі хочуць увесці адзіную методыку падрыхтоўкі юных футбалістаў.
Гэтая нарада стала працягам размовы Аляксандра Лукашэнкі з футбольнымі трэнерамі на ўрачыстым мерапрыемстве з нагоды прыбыцця ў Мінск Кубка свету ФІФА.
