Дырэктыва Прэзідэнта Беларусі №3 прынятая ў новай рэдакцыі

28 Студзеня 2016

Эканомія ўстане на абарону эканамічнай бяспекі краіны.

Дырэктыва Прэзідэнта Беларусі №3, якая раней звалася "Эканомія і ашчаднасць - галоўныя фактары эканамічнай бяспекі дзяржавы", прынятая ў новай рэдакцыі. Адпаведны ўказ падпісаў Кіраўнік дзяржавы.

Змяняецца і назва дырэктывы. Зараз яна гучыць так: "Аб прыярытэтных кірунках умацавання эканамічнай бяспекі дзяржавы". Сярод галоўных акцэнтаў - пошукі новых рынкаў збыту беларускага экспарту, нарошчванне выпуску інавацыйнай прадукцыі, змена якасці кіравання прамысловым комплексам краіны. Асаблівая ўвага павышэнню прадукцыйнасці працы і ўзроўню энергетычнай бяспекі краіны.

Пра неабходнасць актуалізаваць гэтыя кірункі гаварылася і на нарадзе па пытаннях эканомікі з удзелам Кіраўніка дзяржавы. Усе гэтыя меры ў выпадку іх выканання, на думку экспертаў, дапамогуць супрацьстаяць знешнім шокам, пераадолець эканамічны спад і, галоўнае, забяспечаць эканамічную бяспеку краіны.

Савету Міністраў даручана за тры месяцы зацвердзіць план мерапрыемстваў па рэалізацыі палажэнняў абноўленай дырэктывы. Персанальная адказнасць за выкананне дакумента ўскладаецца на прэм'ер-міністра, кіраўнікоў рэспубліканскіх органаў дзяржкіравання і іншых дзяржаўных арганізацый, падначаленых ураду, аблвыканкамаў і Мінскага гарвыканкама.