Дзейнасць урада Беларусі да 2020 года абмяркоўвалі напярэдадні ў Палацы Незалежнасці

17 Кастрычніка 2018

У яе аснове Праграма сацыяльна-эканамічнага развіцця Беларусі, прынятая на V Усебеларускім народным сходзе. Дакумент павінны ўнесці ў парламент да заўтра.

Асаблівая ўвага - сацыяльнай сферы. На сустрэчы з прэм'ер-міністрам Аляксандр Лукашэнка яшчэ раз падкрэсліў, галоўнае - гэты дабрабыт людзей, рост іх прыбыткаў. Прэзідэнт даручыў - з лістапада пенсіянеры павінны атрымаць 5-працэнтную прыбаўку да пенсіі. А ў наступным годзе важна забяспечыць яе памер не менш за 40 працэнтаў ад сярэдняй зарплаты па краіне. Выкананне гэтага даручэння стане адным з ключавых паказчыкаў у працы ўрада.

Вядома, аснова росту дабрабыту - эфектыўная праца эканомікі і стварэнне высокатэхналагічных вытворчасцяў. Аляксандр Лукашэнка запатрабаваў больш актыўна развіваць імпартазамяшчэнне і змагацца з пасрэдніцтвам, якое часта становіцца асновай карупцыйных схем.

Таксама Прэзідэнту далажылі аб працы эканомікі па выніках трох кварталаў гэтага года. Ключавыя паказчыкі выкананыя. Згодна са словамі Сяргея Румаса, эканамічны рост у краіне стабілізаваўся на ўзроўні 3,7 працэнта. Інфляцыя па выніках года не выйдзе за межы 6 працэнтаў, а прагноз на 2019 - да 5. З чаканнямі нашага ўрада згодныя і міжнародныя эксперты. З разбежкай у месяц прагноз па ВУП Беларусі палепшылі і Еўразійскі банк развіцця, і МВФ.