Прэзідэнт Беларусі Аляксандр Лукашэнка ставіць задачу паскорыць інавацыйнае развіццё эканомікі. Пра гэта Кіраўнік дзяржавы заявіў напярэдадні на цырымоніі ўручэння дыпломаў доктара навук і атэстатаў прафесара навуковым работнікам. Як адзначыў Аляксандр Лукашэнка, краіна мае патрэбу ў высакакласных спецыялістах па шэрагу запатрабаваных у рэальным сектары спецыяльнасцяў. Гэта біятэхналогія, энергетыка, мікрабіялогія. Але дзяржава будзе падтрымліваць толькі тыя даследаванні, якія прынясуць рэальны эканамічны эфект.
Дыпломы доктара навук і атэстаты прафесара атрымалі 19 чалавек. Усяго ж летась Вышэйшая атэстацыйная камісія прысудзіла навуковыя ступені доктара і кандыдата навук больш як паўтысячы суіскальнікам. Як правіла, найбольшая колькасць вучоных ступеняў прысуджаецца ў галіне тэхнічных, медыцынскіх, эканамічных і сельскагаспадарчых навук.
