Сёння Аляксандр Лукашэнка сустрэўся з кіраўнікамі і супрацоўнікамі найбуйнейшых СМІ Беларусі. Размова з Прэзідэнтам адбылася ў студыі найбуйнейшага медыяхолдынга краіны - Белтэлерадыёкампаніі. Закранулі абноўленае вяшчанне беларускіх тэлеканалаў і напаўненне аўтарскіх праграм, фарміраванне беларускага кантэнту і новы закон аб СМІ. Прэзідэнт арыентаваў журналістаў на новыя формы работы і на творчасць. У той час як новы закон аб СМІ павінен абараніць гледачоў і чытачоў ад дэструктыўнай інфармацыі. Галоўнае ў рабоце журналіста - сумленнасць і справядлівасць - вызначыў Прэзідэнт.
Да пачатку размовы ў адкрытай студыі Кіраўнік дзяржавы азнаёміўся з абноўленым працэсам тэлевытворчасці Белтэлерадыёкампаніі. Прэзідэнт ацаніў апаратную відэамантажу, а таксама мадэрнізаваную рэжысёрскую. Падчас размовы ў студыі тэма была прадоўжана: закранулі пытанне выхавання моцных журналісцкіх кадраў, якіх не хапае сучаснаму тэлебачанню. Праблему ўзнялі самі тэлевізіёншчыкі.
Па заканчэнні сустрэчы Кіраўніку дзяржавы ад усіх журналістаў падарылі партрэт, створаны са слоў, якія часцей за ўсё ўжывае Прэзідэнт.
