Надзейнае супрацоўніцтва, добрыя суседскія адносіны і прадукцыйнае ўзаемадзеянне на працягу 15 гадоў. Адносіны Беларусі з расійскімі рэгіёнамі падмацоўваюцца не толькі рэгулярнымі сустрэчамі на вышэйшым узроўні, але і канкрэтнымі лічбамі. Так, паводле слоў Аляксандра Лукашэнкі, узаемны тавараабарот у наступным годзе павінен скласці адзін мільярд долараў. Сёння на сустрэчы Кіраўніка беларускай дзяржавы з губернатарам дадзенага расійскага рэгіёну абмяркоўвалі перспектыўныя праекты. Патэнцыял у двухбаковых адносін вялікі. Выгадным вектарам было адзначана ўзаемадзеянне ў аграрна-прамысловым комплексе, а таксама будаўніцтве. Аб чым яшчэ дамовіліся сёння? Падрабязнасці сустрэчы ў Алесі Высоцкай.
У аснове трывалага партнёрства - рэальная эканоміка. Выпадковасць або заканамернасць, але сярод губернатараў расійскіх рэгіёнаў, з якімі ў Беларусі цесныя адносіны, нямала кіраўнікоў з эканамічнай адукацыяй.
Мікалай Дзенін - кандыдат эканамічных навук. Прывёз у Мінск вялікую дэлегацыю. У ёй людзі, якія курыруюць розныя сферы эканомікі, прадстаўнікі бізнесу. І гутарка пачалася прама з парога, як у рэгіёне з фінансамі, чаго ўдалося дабіцца ў сельскай гаспадарцы, як прасоўваюцца праекты па мармуровым мясе.
Бранская вобласць, як і Беларусь, знаходзіцца на скрыжаванні транзітных шляхоў. Валодае высокаразвітым прамысловым патэнцыялам. Доля сельскай гаспадаркі ў валавым рэгіянальным прадукце - не менш за 20%. У нетрах шмат карысных выкапняў для будгаліны, шкляной прамысловасці. Гэта яшчэ і Цэнтральная федэральная акруга Расіі - наш найбліжэйшы расійскі сусед.
Супрацоўніцтва напрамую з рэгіёнамі Расіі для Беларусі гэта ўжо 15-гадовая практыка. Год ад года гэтыя сувязі мацнеюць, дастаткова падлічыць, колькі дэлегацый з краіны-союзніцы толькі за гэты год пабывала ў Мінску.
Саюзная дзяржава, Мытны саюз стварылі выдатную аснову для развіцця не проста гандлёвых адносін, але і цеснай кааперацыі.
Беларусь гатовая забяспечыць патрэбнасці Браншчыны ў сельскагаспадарчай, камунальнай, дарожнай, будаўнічай і іншай спецтэхніцы, а таксама ў ліфтавым абсталяванні, будматэрыялах. У вобласці ўжо збіраюць тэхніку Амкадор і беларускія камбайны. Прычым, як запэўнілі сёння госці, гэтыя машыны выдатна канкурыруюць на рынку з імпартнымі аналагамі. І, па сутнасці, сёння гэта прадукт Мытнага саюза.
Беларускі ўрад зараз прапрацоўвае шэраг праектаў у мяса-малочнай галіне. У Бранскай вобласці працуюць 18 прадпрыемстваў, але не хапае сыравіны.
Расіянам цікавыя і беларускія тэхналогіі ў мясаперапрацоўцы. Попыт на гэтую прадукцыю стабільна высокі.
Пункты судакранання знайшлі таксама селекцыянеры - ёсць цікавасць да нашых распрацовак па насенні рапсу, яравой пшаніцы, бульбе. Дарэчы, па другім беларускім хлебе ёсць прапанова стварыць холдынг, а таксама лагістычны цэнтр з удзелам буйных кампаній Гомельскай і Бранскай абласцей.
Аб якасці беларускіх машын гаварылі ўжо з выездам на месца. Дэлегацыя пабывала на Белкамунмашы. Аб сувязях на парламенцкім узроўні гаворка ішла на перамовах у Палаце прадстаўнікоў Нацыянальнага сходу. А ва ўрадзе падпісалі праграму супрацоўніцтва.
Традыцыйная частка пратакола - ускладанне вянкоў і кветак да манумента на плошчы Перамогі. У беларускага і рускага народаў агульная гісторыя.