Значныя поспехі Беларусі ў барацьбе з ВІЧ адзначаны на сустрэчы Прэзідэнта Аляксандра Лукашэнкі з намеснікам Генсакратара ААН выканаўчым дырэктарам ЮНЭЙДС Мішэлем Сідзібе.
Аб'яднаная праграма заснаваная ў 94-ым. Гэта першы візіт на такім высокім узроўні ў гісторыі ўзаемадзеяння Мінска з ЮНЭЙДС. Супрацоўніцтва менавіта з гэтай сусветнай арганізацыяй дапамагло беларускай медыцыне дабіцца сур'ёзнага прагрэсу ў лячэнні і прафілактыцы небяспечнага захворвання.
Паводле ацэнак міжнародных экспертаў, Беларусь можа стаць першай краінай ва ўсёй Усходняй Еўропе і Цэнтральнай Азіі, якая здолее дабіцца мэтаў ААН па паніжэнні новых выпадкаў ВІЧ-інфекцыі.
