Пра гэта ішла размова на сустрэчы Прэзідэнта Аляксандра Лукашэнкі з Міністрам абароны Інданезіі Рыямізардам Рыякуду. Гутарка выйшла далёка за рамкі ваенна-тэхнічнага ўзаемадзеяння. Паводле слоў Кіраўніка дзяржавы, наша краіна разгледзіць любыя ініцыятывы, закрытых тэм няма. Для Інданезіі Беларусь - партнёр значны, роўна як і наадварот. Саюз Асацыяцыі краін Паўднёва-Усходняй Азіі адкрывае Беларусі рынак 10 краін з насельніцтвам больш за паўмільярда чалавек. У сваю чаргу, для Інданезіі даступны рынак Еўразійскага эканамічнага саюза.
Аляксандр Лукашэнка, Прэзідэнт Беларусі: "У памяці мой візіт у вашу краіну цудоўную, якая бурна развіваецца, з добрымі перспектывамі краіну. Мы гатовыя развіваць супрацоўніцтва не толькі ў сферы ваенна-тэхнічнай, за якую вы адказваеце, нашы магчымасці вы ведаеце. Мы поўныя рашучасці ў комплексе дзейнічаць як у грамадзянскай, так і ваенна-тэхнічных сферах. Што немалаважна і прынцыпова для Інданезіі і Беларусі: мы можам пайсці на стварэнне сумесных прадпрыемстваў на інданезійскай зямлі, каб атрымліваць гатовы прадукт і прадаваць яго ў трэціх краінах у тым рэгіёне. Я хацеў бы аднавіць сваё запрашэнне Прэзідэнту Інданезіі наведаць Беларусь, падчас якога бакі змогуць вызначыць стратэгію далейшага развіцця адносін паміж дзяржавамі на найбліжэйшую перспектыву".
Рыямізард Рыякуду, Міністр абароны Інданезіі: "Спадар Прэзідэнт, дазвольце ў першую чаргу падзякаваць Вам за аказаны мне і маёй дэлегацыі прыём. Для нас вялікі гонар апынуцца ў сталіцы Беларусі. Вынікі майго візіту будуць даложаны Прэзідэнту Інданезіі Джока Відода. Таксама я абавязкова перадам яму ваша запрашэнне наведаць Беларусь".
У сакавіку 2013 за 20-гадовую гісторыю дыпламатычных адносін упершыню адбыўся афіцыйны візіт Аляксандра Лукашэнкі ў Інданезію. Пазней СМІ назвалі яго прарыўным. Пасля перамоў на вышэйшым узроўні тавараабарот павялічыўся амаль на 70 %.
Гэтую планку краіны трымаюць дагэтуль. Сёння гэта амаль 200 мільёнаў долараў. Дынаміка пазітыўная, але патэнцыял 4-й па насельніцтве краіны свету дазваляе дасягнуць большых лічбаў.
І менавіта пра інтэнсіфікацыю супрацоўніцтва ішла размова нядаўна ў Стамбуле падчас двухбаковай сустрэчы Аляксандра Лукашэнкі з віцэ-прэзідэнтам Інданезіі Юсуфам Калам. Асаблівы акцэнт быў зроблены на перспектывах узаемадзеяння ў прамысловасці. Бакі сышліся ў меркаванні, што ў найбліжэйшыя гады лічбы ўзаемнага тавараабароту можа дасягнуць рэкорднай адзнакі - мільярда долараў.
Гаворка ідзе не толькі аб пастаўках беларускай тэхнікі. Наша краіна гатовая прыняць удзел у мадэрнізацыі галіны і вырашэнні пытання харчовай бяспекі 250-мільённай Інданезіі. Акрамя таго, у найбліжэйшы час будзе актывізавана праца міжурадавых камісій па супрацоўніцтве. Лідары груп вызначаць некалькі прынцыпова новых кірункаў сумеснай працы.