Аб канкрэтных кірунках далейшых сумесных дзеянняў ішла размова на сустрэчы Прэзідэнта Аляксандра Лукашэнкі са старшынёй урада Сербіі Аляксандрам Вучычам. Паводле слоў Кіраўніка дзяржавы, Беларусь ніколі не спыняла супрацоўніцтва з Сербіяй і не збіраецца гэтага рабіць у будучыні. Разам з тым, Аляксандр Лукашэнка выказаў занепакоенасць паніжэннем беларуска-сербскага тавараабароту, якое назіраецца апошнім часам. Неабходна знайсці і ліквідаваць болевыя кропкі гэтага паніжэння, а таксама вызначыць шляхі для дасягнення больш высокага ўзроўню ўзаемнага гандлю.
У сваю чаргу старшыня ўрада Сербіі пагадзіўся з неабходнасцю ўмацавання беларуска-сербскага супрацоўніцтва ў палітыцы, эканоміцы, у тым ліку істотнага нарошчвання тавараабароту з Беларуссю. Аляксандр Вучыч падзякаваў беларускаму боку за вялізную падтрымку ў захаванні цэласнасці і суверэнітэту Сербіі.