Пра гэта ўчора заявіў Прэзідэнт Беларусі Аляксандр Лукашэнка на сустрэчы з кіраўніком Камітэта па кантролі і кіраванні дзяржмаёмасцю КНР Сяа Яцынам. Сёлета краіны адзначаюць 25-годдзе дыпадносін. За гэты час дасягнута поўнае паразуменне, у тым ліку на міжнародных пляцоўках. Таксама Беларусь з'яўляецца ключавым партнёрам маштабнай кітайскай ініцыятывы "Адзін пояс - адзін шлях". Паводле слоў Кіраўніка дзяржавы, неўзабаве неабходна ўзмацніць узаемадзеянне ў шматлікіх кірунках.
Галоўнай тэмай перамоў сталі інвестыцыі і ўмацаванне супрацоўніцтва. Бакі абмеркавалі стварэнне інвестфонда аб'ёмам не меней за паўмільярда долараў. Гэта будзе спрыяць прыцягненню новых рэзідэнтаў у індустрыяльны парк "Вялікі камень". Гаворка ішла і аб развіцці турызму, авіясувязі.
