Гэта адзін з ключавых тэзісаў перамоў Прэзідэнта Аляксандра Лукашэнкі са старшынёй Нацыянальнага заканадаўчага сходу Каралеўства Панпетчам Вічытчалчаем.
Летась тавараабарот паміж краінамі склаў каля 102 мільёнаў долараў. Пры гэтым сальда склалася станоўчае.
Беларусь экспартавала ў Каралеўства тавары на 60 мільёнаў долараў, а закупіла на 42. Аснова беларускіх продажаў - калійныя ўдабрэнні, спецтэхніка, шкловалакно, ільняная тканіна і шыны.
Размова выйшла далёка за рамкі ўзаемнага гандлю. Кіраўнік дзяржавы ініцыюе стварэнне поўнамаштабнай дагаворна-прававой базы супрацоўніцтва з Тайландам.
Падчас сустрэчы палітыкі дамовіліся ўзмацніць двухбаковае супрацоўніцтва. Спектр шырокі: ад навучання кадраў да ўзаемных паставак тавараў. Важным крокам двухбаковага ўзаемадзеяння стане стварэнне сумеснай міжурадавай камісіі па гандлёва-эканамічным супрацоўніцтве. Акрамя таго, у хуткім часе ў Тайландзе адкрыецца і ганаровае консульства Беларусі.
