У вялікім спорце ў Беларусі і Еўропы таксама могуць быць буйныя праекты. Наша краіна гатова правесці ў сябе Суперкубак УЕФА. Прэзідэнт сказаў аб гэтым на сустрэчы з кіраўніком Саюза еўрапейскіх футбольных асацыяцый Александэрам Чафярынам, а той пацвердзіў - так, краіна гатова прымаць вялікія міжнародныя спаборніцтвы. У размове з журналістамі славенец прасіў не задаваць яму пытанняў аб канкрэтных турнірах і беларускіх шанцах іх прыняць. Яму трэба захоўваць нейтралітэт. Але відавочна, што найбліжэйшыя планы футбольнай Беларусі будуць звязаны з Суперкубкам УЕФА.
Гэты трафей напрыканцы кожнага лета аспрэчваюць пераможцы двух самых прэстыжных турніраў на кантыненце - Лігі чэмпіёнаў і Лігі Еўропы. Раней наша краіна ўжо прэтэндавала на Суперкубак у 2020 і 2021 гадах, і Кіраўнік дзяржавы выказаў надзею, што трэцяя спроба стане ўдалай.
Найбольш рэальна прыняць матч у 2023 годзе, калі плануюць здаць у эксплуатацыю нацыянальны футбольны стадыён. Падчас рабочай сустрэчы бакі абмеркавалі праграму рэалізацыі ў Беларусі розных праектаў па лініі УЕФА. Наш футбол атрымлівае не толькі істотную фінансавую, але і адукацыйную дапамогу. Так, з 2008 года амаль 600 трэнераў прайшлі навучанне на спецыяльных курсах. Зрэшты, львіную долю падтрымкі спорту № 1 забяспечвае дзяржава, і для гэтага рэалізуецца цэлая праграма.
