Гэты тэзіс стаў ключавым падчас сустрэчы ў Баку Прэзідэнта Аляксандра Лукашэнкі і яго азербайджанскага калегі Ільхама Аліева. Афіцыйныя перамовы праходзяць у загараднай рэзідэнцыі прэзідэнта Азербайджана "Загульба" на беразе Каспійскага мора. Спачатку палітыкі гутарылі ў фармаце сам-насам. У прыярытэце перспектывы развіцця двухбаковых адносін, у тым ліку гандлёва-эканамічнае ўзаемадзеянне, праца па кааперацыйных праектах, інвестыцыі. Пасля да лідараў дзвюх краін далучыліся кіраўнікі дэлегацый, гутарка прадоўжылася ў пашыраным складзе. Як неаднаразова падкрэсліў Аляксандр Лукашэнка, Азербайджан можа разлічваць на Беларусь як на самага блізкага сябра.
Перамовам папярэднічала цырымонія афіцыйнай сустрэчы Кіраўніка беларускай дзяржавы з Прэзідэнтам Азербайджана Ільхамам Аліевым. Нягледзячы на строгі пратакол мерапрыемства, прывітанне было цёплым, палітыкі сустрэліся як добрыя сябры. Нязменныя атрыбуты: чырвоная дарожка, выкананне гімнаў дзвюх краін і цырыманіял з удзелам роты ганаровай варты.
Па выніках першага дня візіту Аляксандра Лукашэнкі ў Азербайджан падпісаны шэраг міжнародных дакументаў. Усе падрабязнасці сёння ў "Панараме".
