Для Ерэвана Мінск заўсёды будзе добрым і надзейным сябрам. Дружалюбны і партнёрскі характар двухбаковых адносін Прэзідэнт Беларусі пацвердзіў сёння на сустрэчы з кіраўніком Арменіі.
Армен Саркісян прыляцеў у Мінск учора для ўдзелу ў Мюнхенскай канферэнцыі па бяспецы. Афіцыйнае адкрыццё форуму, які наша сталіца прымае ўпершыню, адбудзецца заўтра. Армен Саркісян выказаў меркаванне, што Мінск усё часцей становіцца камфортнай платформай для дыялогу, дзе зручна выказваць розныя пункты погляду. А Беларусь ужо заваявала аўтарытэт на сусветнай пляцоўцы.
Армен Саркісян, Прэзідэнт Арменіі: "Я прыехаў на Мюнхенскую канферэнцыю. Прыемна, што ў Мінску, - краіна ўнікальная. Вобраз Беларусі - вобраз стабільнасці і прадказальнасці. Гэтых якасцяў рэдка можна ўбачыць. Свет стаў нестабільны. Гэта высока цэніцца мной, сусветнай грамадскасцю. Праводзіцца ў Мінску - вельмі важна!"
Арменія - наш дружалюбны партнёр у цэлым спісе інтэграцый. У эканамічных пытаннях супрацоўнічаем па лініі ЕАЭС, у пытаннях ваенна-палітычных - у рамках АДКБ. Актыўна ідзе праца і ў фармаце СНД. Узаемны гандаль Мінска і Ерэвана штогод дадае. Сёлета тавараабарот ужо вырас на траціну - за 8 месяцаў у агульнай скарбонцы 31 мільён долараў. Аднак патэнцыял значна вышэйшы, адзначыў беларускі лідар. Арыентыр для дзвюх краін - 150 мільёнаў долараў.
