Беларусь прапаноўвае Інданезіі ствараць сумесныя прадпрыемствы для працы на рынку Азіяцка-Ціхаакіянскага рэгіёна. Аб гэтым напярэдадні заявіў Прэзідэнт Аляксандр Лукашэнка на сустрэчы з міністрам абароны Інданезіі Рыямізардам Рыякуду. Паводле слоў Кіраўніка дзяржавы, наша краіна разгледзіць любыя ініцыятывы, закрытых тэм няма. Беларусь мае намер развіваць узаемадзеянне з Інданезіяй не толькі ў ваенна-тэхнічнай, але і ў грамадзянскіх сферах эканомікі. Для Інданезіі наша краіна - партнёр значны, роўна як і наадварот.
У хуткім часе актывізуюць працу міжурадавых камісій па супрацоўніцтве. Лідары груп вызначаць некалькі прынцыпова новых кірункаў. Сёння візіт міністра абароны Інданезіі ў Беларусь прадоўжыцца - ён наведае шэраг кампаній абароннага сектара нашай краіны.
