Кіраўнік Еўрапейскага банка рэканструкцыі і развіцця з візітам у Мінску. У гэтыя хвіліны праходзіць сустрэча Прэзідэнта Беларусі Аляксандра Лукашэнкі з Сумай Чакрабарці. А менш чым гадзіну таму высокі госць сустрэўся з кіраўніком беларускага МЗС. Падчас размовы бакі абмеркавалі магчымае пашырэнне супрацоўніцтва. Сума Чакрабарці задаволены рэалізацыяй сумесных з Беларуссю праектаў. А Уладзімір Макей адзначыў сур'ёзны рост фінансавання банкам праектаў у Беларусі на працягу апошніх гадоў.
Акрамя дзелавых сустрэч, Сума Чакрабарці плануе наведаць завод кампаніі "Штадлер" у Фаніпалі. Гэты праект рэалізуецца пры ўдзеле Еўрапейскага банка рэканструкцыі і развіцця, які з'яўляецца буйным інвестарам у эканоміку нашай краіны. Банк ужо выдзеліў больш за паўтара мільярда еўра на фінансаванне каля 70 праграм.