На працягу дзвюх гадзін ішла размова без купюр пра беларуска-расійскія адносіны, бяспеку, знешнюю палітыку, а таксама інфармацыйныя войны. Зразумела, самай актуальнай тэмай стала растлумачэнне ўсіх дэталяў беларускай пазіцыі па інтэграцыі ў рамках Саюзнай дзяржавы. Прагучаў шчыры адказ беларускага лідара на спробы палітызаваць збліжэнне эканомік Беларусі і Расіі. Пазіцыя прынцыповая: суверэнітэт не разменная манета, а спробы бянтэжыць грамадства гучнымі загалоўкамі ідуць на шкоду інтэграцыі.
Інтэрв'ю Прэзідэнта галоўнаму рэдактару радыёстанцыі "Рэха Масквы"
Гукавая версія інтэрв'ю з беларускім лідарам, якая выйшла днём на радыё "Рэха Масквы", выклікала вялікую цікавасць і абмеркаванне ў расійскім інтэрнэце. Адказы Аляксандра Лукашэнкі былі разабраныя медыяпрасторай на цытаты. Гэта чарговы раз пацвердзіла, наколькі актуальны і важны парадак дня беларуска-расійскіх адносін.
