Кіраўнік дзяржавы правёў сустрэчу з кіраўніком Міжнароднай федэрацыі шахмат Аркадзем Дварковічам. Падчас размовы паднімаліся пытанні развіцця ў нашай краіне шахматнага спорту, а таксама правядзення XLV Сусветнай шахматнай алімпіяды. Права правядзення гэтых міжнародных спаборніцтваў Беларусь атрымала ў кастрычніку мінулага года. Сам форум адбудзецца ў жніўні 2022. У той жа час FIDE плануе нанова арганізаваць сваю працу, каб забяспечыць развіццё шахматнага спорту ў свеце, а не толькі ў асобных краінах.
Аляксандр Лукашэнка адзначыў важнасць развіцця самых розных відаў спорту ў нашай краіне, а таксама павіншаваў Аркадзя Дварковіча з нядаўнім абраннем кіраўніком Міжнароднай федэрацыі шахмат.
І сёння ў штаб-кватэры НАК Беларусі адбылося падпісанне пагаднення паміж Міжнароднай шахматнай федэрацыяй і арганізатарамі Сусветнай шахматнай алімпіяды 2022 года. Адзначым, перад галоўным стартам для шахматыстаў у Мінску таксама пройдуць Кубак свету па шахматах сярод жанчын у 2020 годзе, Кубак свету сярод мужчын - у 2021. Паралельна з Сусветнай алімпіядай адбудзецца кангрэс FIDE, на якім запланаваныя выбары прэзідэнта арганізацыі.
Беларуская федэрацыя шахмат мае вопыт правядзення міжнародных стартаў і выступала арганізатарам чэмпіянату свету сярод кадэтаў па хуткіх шахматах і бліцы ў чэрвені мінулага года.
