Сёння Прэзідэнт Беларусі Аляксандр Лукашэнка прыняў удзел у пасяджэннях Савета калектыўнай бяспекі АДКБ і Вышэйшага Еўразійскага эканамічнага савета ў Маскве. У Крамлі сабраліся лідары Расіі, Беларусі, Казахстана, Арменіі, Таджыкістана, Кыргызстана. Спачатку перамовы праходзілі ў вузкім, затым пашыраным фарматах. Асноўнай тэмай пасяджэння АДКБ стала барацьба з тэрарызмам. Лідары прынялі заяву, дзе адлюстраваны агульныя падыходы да гэтай пагрозы. Затым кіраўнікі дзяржаў сустрэліся ў фармаце ЕАЭС. 1 студзеня споўніцца роўна год, як быў створаны ЕАЭС. Таму на пасяджэнні Вышэйшага Еўразійскага эканамічнага савета сёння падводзілі вынікі. Гэты год прайшоў пад старшынствам Беларусі, за гэты час удалося фактычна стварыць адзіны рынак паслуг.
Сёння ў кантэксце інтэграцыйнага ўтварэння палітыкі разгледзелі пытанні супрацоўніцтва ў галіне лібералізацыі аўтамабільных перавозак і ўзаемадзеяння інтэграцыйнага аб'яднання з іншымі міжнароднымі арганізацыямі. Падрабязнасці рабочага візіту Прэзідэнта Беларусі ў Маскву вечарам на інфармацыйным канале "Панарама".
