Беларускія аграрыі працягваюць збіраць ураджай з палёў сінявокай. І калі збожжавыя ўжо ў засеках, то ўборка другога хлеба зараз у самым разгары. Сёлета разлічваюць атрымаць больш як 6 мільёнаў тон бульбы і без малога 2 мільёны тон агародніны. Добрыя вынікі чакаюць і ад збору бахчавых культур. Напрыклад, кавуноў плануюць сабраць 500 тон. У гэтым сезоне салодкі плод высадзілі на плошчы 26 гектараў. У асноўным растуць яны ў Брэсцкай, Гродзенскай, Гомельскай і Мінскай абласцях.
Дарэчы, кавуны ўжо не першы год вырошчваюць і на падворак Прэзідэнта. Графік Кіраўніка дзяржавы насычаны, але сёння Аляксандру Лукашэнку пасля заканчэння рабочых мерапрыемстваў удалося знайсці час, каб падключыцца да збору ўраджаю. Надвор'е ў гэты дзень не падвяло - было вельмі прыдатнай для працы на зямлі.
Праца на прэзідэнцкім падворку сёння кіпела. Пачалі якраз з уборкі бахчавых. Кіраўнік дзяржавы не раз расказваў, што праца на зямлі - выдатная магчымасць для таго, каб трохі адысці ад штодзённых клопатаў. А клопаты на прысядзібным участку - занятак з падвойнай карысцю: і ўраджай сабраць, і выдатная фізічная нагрузка! Сёння ў полі побач з Аляксандрам Лукашэнкам былі і тыя, хто штодня працуе разам з ім. Працаваць вось так разам ужо стала добрай традыцыяй.
Сабралі сёння 42 тоны спелых кавуноў. І гэта толькі з аднаго поля. Сельнгасработы на падворку Прэзідэнта прадоўжацца. Тут жа на месцы з памочнікамі вырашылі пакаштаваць кавуны. Аказаліся вельмі салодкія. Гарачыя дні жніўня пайшлі на карысць бахчавым - дадалі густу і водару. На прэзідэнцкім полі паспеў і ўраджай другога хлеба. Сёння ўбіралі бульбу сартоў "каралева Ганна", "саціна" і "ўладар". Апошні выведзены беларускімі аграномамі, другія два нямецкай селекцыі. Вырошчваюцца не першы год, і нашы навукоўцы пастаянна працуюць над паляпшэннем сартоў, адаптуюць да мясцовых умоў. Нягледзячы на часткова засушлівае лета год выдаўся бульбяным. На прэзідэнцкім полі атрымалі добры ўраджай - з паўтара гектара сабралі 60 тон клубняў. Ураджайнасць - каля 400 цэнтнераў з гектара. Як і прынята ў добрага гаспадара, бульбу адразу ж рассартавалі, а лепшае акажацца не толькі на прэзідэнцкім стале. Дарамі зямлі традыцыйна па даручэнні Аляксандра Лукашэнкі забяспечваюць дзяцей, якія засталіся без бацькоўскай апекі і маюць патрэбу ў дадатковым клопаце. Адпраўляюць частку ўраджаю і пажылым людзям у дамы-інтэрнаты. Нягледзячы на высокую пасаду, вось так працаваць на зямлі для Прэзідэнта звычайная справа. Ды і часта Кіраўнік дзяржавы нагадвае: харчавацца трэба тым, што расце на роднай зямлі.
