Найважнейшыя пытанні міжнароднай бяспекі працягваюць абмяркоўваць у Мінску. Удзел у канферэнцыі "Усходняя Еўропа: у пошуках бяспекі для ўсіх" прыняў Кіраўнік беларускай дзяржавы. Мінск падае якасна новую пляцоўку для дыскусій пра сучаснасць і будучыню рэгіянальнай і міжнароднай бяспекі. Невыпадкова форум праходзіць у беларускай сталіцы. Дзякуючы шматвектарнай знешняй палітыцы нашай краіны расце значнасць Мінска як зручнай пляцоўкі для любых перамоў. Аляксандр Лукашэнка канстатаваў: сучасныя міжнародныя адносіны хутчэй нагадваюць сітуацыю перад Першай сусветнай вайной. Але Еўропа можа і павінна паказаць прыклад у рашэнні пытанняў паміж Усходам і Захадам.
Падчас маштабнай дыскусіі гучала мноства меркаванняў для рашэння сусветных канфліктаў. За час баявых дзеянняў ва Украіне Беларусь прыняла ў сябе больш як 150 000 бежанцаў, падала ім дапамогу ў працаўладкаванні, медабслугоўванні, сацыяльнай і псіхалагічнай адаптацыі. Аляксандр Лукашэнка перакананы: адзіны шлях урэгулявання любых міжнародных спрэчак - адмовіцца ад эмоцый, назапашаных крыўд, узаемных абвінавачанняў і вярнуцца да дыялогу.
