"Юнацтва" выйграе сёмы тытул чэмпіёна Беларусі па хакеі. Напярэдадні мінчане на лёдзе "Чыжоўка-Арэны" вырвалі перамогу ў салігорскага "Шахцёра". У першым перыядзе закінуў Абакунчык. У другой траціне перавагу гаспадароў умацавалі Дзюкаў і Корса. Вынік матча - 4:3. Лік серыі - 4:1. Адзначым, папярэднія два сезоны "Юнацтва" таксама гуляла ў фінале, але абодва разы саступала: "Нёману" і таму ж "Шахцёру". На гэты раз перамога!
За вырашальным паядынкам Аляксандр Лукашэнка назіраў з трыбун разам з сынам Мікалаем. Кіраўнік дзяржавы павіншаваў каманду з перамогай.
"Дарагія сябры! Сардэчна віншую вас з заваяваннем Кубка Прэзідэнта Рэспублікі Беларусь у Экстра-лізе нацыянальнага чэмпіянату па хакеі з шайбай! На працягу ўсяго сезона вы праявілі сябе як згуртаваная каманда, гатовая змагацца адзін за аднаго на лёдзе і за яго межамі, плячом к плячу біцца за званне чэмпіёнаў і гонар свайго клуба. Менавіта за гэта вас любяць балельшчыкі і паважаюць сапернікі, на вас раўняецца маладое пакаленне юных хакеістаў. Зычу вам моцнага здароўя, новых перамог на славу беларускага спорту і нашай Радзімы", - гаворыцца ў віншаванні.
