Аляксандр Лукашэнка павіншаваў караля Тайланда з Нацыянальным днём

5 Снежня 2017

Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў караля Тайланда Маху Вачыралангкорна Бадзінтхаратхепхаяварангкуна і народ гэтай краіны з Нацыянальным днём.

"Нельга не адзначыць важную ролю, якую Каралеўства Тайланд выконвае ў рэгіёне Паўднёва-Усходняй Азіі, хуткую дынаміку эканамічнага развіцця краіны і росту дабрабыту насельніцтва", - гаворыцца ў віншаванні.

Кіраўнік дзяржавы выказаў упэўненасць, што паслядоўнае пашырэнне плённага беларуска-тайландскага супрацоўніцтва ў розных галінах цалкам адпавядае інтарэсам дзяржаў і з'яўляецца выдатнай асновай для ўмацавання дружалюбных адносін.