Прэзідэнт Беларусі Аляксандр Лукашэнка павіншаваў Караля Іспаніі Філіпа VI і народ гэтай краіны з нацыянальным святам - Днём іспанскай нацыі.
"Мне прыемна адзначыць актывізацыю беларуска-іспанскага супрацоўніцтва ў шырокім спектры кірункаў. Беларусь бачыць у вашай краіне перспектыўнага партнёра і разлічвае на працяг адкрытага дыялогу, які, безумоўна, будзе спрыяць далейшаму ўмацаванню дружалюбных сувязяў паміж нашымі дзяржавамі", - гаворыцца ў віншаванні.
Аляксандр Лукашэнка пажадаў Філіпу VI моцнага здароўя і поспехаў у справах, а ўсяму іспанскаму народу - міру, спакою і дабрабыту.
