Прэзідэнт Рэспублікі Беларусь Аляксандр Лукашэнка павіншаваў калектыў ААТ ІНТЭГРАЛ - кіруючая кампанія холдынга ІНТЭГРАЛ з 50-годдзем з дня ўтварэння прадпрыемства.
Калектыў прадпрыемства змог развіць магутны навукова-гаспадарчы комплекс, які забяспечвае поўны цыкл распрацоўкі і вытворчасці высокатэхналагічнай прадукцыі - ад крэмніевых пласцін да інтэгральных мікрасхем і электроннай апаратуры, - гаворыцца ў віншаванні.
Сёння ІНТЭГРАЛ з'яўляецца адным з усходне-еўрапейскіх лідараў у мікраэлектроннай вытворчасці. Холдынг праводзіць рознабаковыя даследаванні, укараняе перадавыя тэхналогіі і больш як 70% вырабаў пастаўляе амаль на ўсе кантыненты, - адзначыў Кіраўнік дзяржавы. - Упэўнены, што вы і ў далейшым захаваеце дасягнутыя пазіцыі, зможаце пашырыць прысутнасць беларускіх электронных кампанентаў на сусветным рынку.
