Дзень Рэспублікі адзначае Азербайджан. Па ўсёй "краіне агнёў" праходзяць урачыстыя мерапрыемствы. Дэкларацыя аб Незалежнасці Дэмакратычнай Рэспублікі Азербайджан была прынятая 98 гадоў таму. Аляксандр Лукашэнка ад імя беларускага народа і сябе асабіста павіншаваў Прэзідэнта Ільхама Аліева з нацыянальным святам - Днём Рэспублікі. Кіраўнік дзяржавы падкрэсліў, што Беларусь застаецца надзейным сябрам Азербайджана і гатовая прыкладаць усе намаганні для далейшага развіцця двухбаковага супрацоўніцтва.
