Звярнуць сур'ёзную ўвагу на медустановы ў рэгіёнах і прыкласці максімум намаганняў для добраўпарадкавання тэрыторый.
Прэзідэнт Аляксандр Лукашэнка з рабочай паездкай пабываў сёння ў Гомельскай вобласці, дзе на прыкладзе Буда-Кашалёўскага раёна размова ішла аб развіцці ўсёй вобласці. Кіраўніка дзяржавы цікавіла, як наладжана медыцынскае абслугоўванне насельніцтва. У раённай бальніцы завастрылі ўвагу на якасці і даступнасці паслуг, асабліва ў рэгіёнах, якія пацярпелі ад аварыі на Чарнобыльскай АЭС. Прэзідэнт таксама запатрабаваў навесці парадак на землях і тэрыторыях вытворчых аб'ектаў.
Яшчэ адна тэма паездкі - сацыяльная. Дапамога дзецям, якія засталіся без бацькоў. Кіраўнік дзяржавы наведаў дом сямейнага тыпу і пабываў у гасцях у сям'і Новікавых. Яна выхоўвае дзесяцярых дзяцей, і кожны тут займаецца любімай справай.
У сям'і ўласная гаспадарка і вялікія планы па яе пашырэнні. Без тэхнікі - нікуды. Прыемным сюрпрызам стаў падарунак ад Кіраўніка дзяржавы. Гэта міні-трактар "Беларус", які стане выдатным памочнікам.
