Мінск зноў пацвярджае статус спартыўнай сталіцы! У гэтыя дні каля трох тысяч спартсменаў і балельшчыкаў прымаюць удзел у Ашчадбанкіядзе. Гэта нешта накшталт "карпаратыўнай алімпіяды". 12 дысцыплін - ад шахмат і крос-фіта - да лёгкай атлетыкі і міні-футбола.
На працягу тыдня ў беларускай сталіцы вызначаць самых лепшых і спартыўных супрацоўнікаў банка. Прафесійныя атлеты ў спаборніцтвах не ўдзельнічаюць. 20 каманд аб'ядноўваюць прадстаўніцтвы банка з 17-ці краін. Напярэдадні адбылася цырымонія адкрыцця форуму.
Ну а сёння са старшынёй праўлення Ашчадбанка сустрэўся наш Прэзідэнт. Аляксандр Лукашэнка падзякаваў Герману Грэфу за надзейную работу ў нашай краіне. Нагадаем, на беларускім фінансавым рынку ўжо 10 гадоў дзейнічае даччыная структура - БПС-Ашчадбанк. Зрэшты, супрацоўнікі гэтай кампаніі таксама ўдзельнічаюць у спаборніцтвах.
Спаборніцтвы праходзяць на сямі спартыўных аб'ектах. Некаторыя з іх зусім нядаўна былі і пляцоўкамі ІІ Еўрапейскіх гульняў. Дарэчы, жывуць удзельнікі Ашчадбанкіяды ў той самай студэнцкай вёсцы, дзе размяшчаліся спартыўныя каманды з усяго кантынента. Такія спаборніцтвы банк наладжвае раз у два гады. Ну а выбар Мінска яшчэ раз падкрэслівае - у нашай сталіцы функцыянуюць арэны сусветнага ўзроўню, здольныя прыняць спаборніцтвы любога статусу.
Ашчадбанк на нашым рынку - важны гулец і адзін з найбуйнейшых замежных інвестараў. Работа фінансавай структуры такога ўзроўню ў Беларусі - добрае пацверджанне прывабнасці для замежнага капіталу.
Зараз банк робіць стаўку на развіццё высокіх тэхналогій у нашай краіне. Як распавёў журналістам Герман Грэф, у Расіі ў гэтую сферу штогод інвестуюць каля двух мільярдаў долараў.
Аляксандр Лукашэнка падзякаваў Герману Грэфу за надзейную работу ў нашай краіне
16 июля 2019