Аляксандр Лукашэнка пагутарыў з калектывам завода газетнай паперы

24 Студзеня 2020
Прынцыповая размова аб працы мясцовых прадпрыемстваў, нафтавы дыялог з Расіяй і будучыня цэлых галін - усё гэта частка рабочай паездкі Прэзідэнта ў Шклоўскі раён Магілёўскай вобласці. На месцы Аляксандр Лукашэнка змяніў маршрут і паехаў на прадпрыемствы, праца якіх яго асабіста цікавіла. Рыхтаваліся ўсе, але, наведваючы завод газетнай паперы, беларускі лідар вельмі жорстка паставіў задачы чыноўнікам разабрацца з сітуацыяй з новымі лініямі ў цэхах папяровага гіганта, які пакуль так і не запрацаваў на поўную моц. Развіццё рэгіёна зараз асаблівая тэма і ў міністраў.

А. Лукашэнка з рабочай паездкай у Шклоўскім раёне

Прадпрыемства летась вырабіла прадукцыі на 75 мільёнаў рублёў, і гэта на 17 працэнтаў больш за год папярэдні. Аднак сітуацыя па-ранейшаму не з лёгкіх. Асноўныя гандлёвыя партнёры на знешніх рынках - Узбекістан, Іран, Украіна і Турцыя. Падчас візіту Прэзідэнт звярнуў увагу на праблемныя пытанні, а іх нямала. Так, інвестыцыйны праект па стварэнні паперы - асновы для дэкаратыўных матэрыялаў так і не выйшаў на кантрактныя параметры вытворчасці, а гэта страта чыстага прыбытку. Кіраўніцтва завода абяцала Аляксандру Лукашэнку вырашыць усе праблемы з абсталяваннем і чэшскім інвестарам да канца года. Па тэрмінах Прэзідэнт спытае асабіста з дырэктара і міністраў. Такія прадпрыемствы, як адзначана, прыклад таго, што працу неабходна пераналаджваць наогул у галіне.  

Звярнуў увагу беларускі лідар і на сітуацыю ў вобласці, і на стан спраў на Белшыне і на прадпрыемстве "Хімвалакно". Па кожным - дэталёвы разбор. 

Дарэчы, Кіраўнік дзяржавы пагутарыў і з калектывам завода газетнай паперы. Аляксандр Лукашэнка па традыцыі адказаў на ўсе, нават самыя, здавалася б, няёмкія пытанні. Вядома, спыталі ў Прэзідэнта пра сітуацыю з Расіяй. Нафтавая спрэчка так і не скончылася. Бо перамовы доўжацца ўжо не першы месяц. Наша краіна адмаўляцца ад вуглевадародаў з суседняй дзяржавы не мае намеру. Зрэшты, як і зацыкляцца: ужо прапрацоўваем іншыя крыніцы паступлення нафты. Так, зусім хутка на НПЗ "Нафтан" прыбудзе выпрабавальная партыя чорнага золата з Нарвегіі. А што будзе далей з саюзнымі кантрактамі? Сумленна і як ёсць - такі адказ Аляксандра Лукашэнкі.

А. Лукашэнка змяніў маршрут рабочай паездкі

Дарэчы, прыкметна ажывіліся і на іншых прадпрыемствах Шклова. З раніцы Прэзідэнт змяніў план візіту, дадалося яшчэ некалькі пунктаў: ільнозавод, прадпрыемства па апрацоўцы драўніны, масларобныя цэхі. Пазней прыбыў Аляксандр Лукашэнка і на прыватную вытворчасць малочнай прадукцыі. Магчыма, апошнія дзве мае сэнс аб'яднаць. Пытаннем зоймецца губернатар Магілёўскай вобласці. 

Падрабязнасці вялікай паездкі Кіраўніка дзяржавы - у наступных выпусках.