Прэзідэнт Беларусі азнаёміўся з распрацоўкамі вядучых рэзідэнтаў Парка высокіх тэхналогій. Галаграмы, разумныя робаты і дадатак, які дазваляе фермерам сэканоміць: праграма пралічвае якасць палёў і колькасць неабходных угнаенняў. У цэлым ІТ-кампаніі сёння задзейнічаны і ў іншых сферах жыцця: медыцына, адукацыя, фінансы. Актыўна развіваецца і беларуская крыптабіржа - першая афіцыйная ў свеце.
Пасля прыняцця Прэзідэнтам Дэкрэта № 8 "Аб развіцці лічбавай эканомікі" ў Беларусі пачаўся IT-бум: колькасць рэзідэнтаў ПВТ вырасла да 454. Экспарт Парка высокіх тэхналогій склаў амаль паўтара мільярда долараў, што станоўча ўплывае і на іншыя галіны эканомікі за кошт прыцягнення замежных інвестыцый.
