Сёння Беларусь успамінае страшную трагедыю часоў Вялікай Айчыннай вайны. 22 сакавіка 1943 года нацыстамі была спаленая Хатынь. Смяротны прысуд мірнаму насельніцтву вынеслі фашысты, якія не пашкадавалі старых, жанчын і немаўлят. У агні загінулі 149 чалавек. Беларуская вёска стала хадзячай назвай для ўсіх спаленых вёсак Савецкага Саюза.
Прэзідэнт Беларусі Аляксандр Лукашэнка звярнуўся да суайчыннікаў з нагоды 75-годдзя Хатынскай трагедыі.
"Мы, беларусы, носьбіты геннай памяці нечалавечых пакут народа, які выстаяў у Вялікай Айчыннай вайне, гаворым усім: "Хай журботны перазвон Хатыні гучыць і перасцерагае ад паўтарэння страшнай трагедыі. Хай металічны плач званоў данясецца да тых куткоў Зямлі, дзе сёння забылі пра тое, што жыццё - гэта дар звыш, мір - самая вялікая каштоўнасць. Мы павінны гэта памятаць заўсёды!" - адзначаецца ў звароце.
