Аляксандр Лукашэнка назваў плённымі перамовы са сваім калегам. У Палацы Незалежнасці сёння прымалі Прэзідэнта Эмерсана Мнангагву. Гэта першы ў гісторыі двухбаковых адносін афіцыйны візіт на вышэйшым узроўні. Было шмат тэм для прадметнай размовы, дасягнуты пэўныя дамоўленасці, адзначыў Кіраўнік беларускай дзяржавы. На новым этапе супрацоўніцтва размова аб сумесных праектах у энергетыцы, сельскай гаспадарцы, лагістыцы, разведцы і здабычы карысных выкапняў.
Па выніках перамоў у вузкім і пашыраным складах бакі падпісалі пакет міжнародных дакументаў. Беларусь і Зімбабвэ дамовіліся пра больш цеснае супрацоўніцтва паміж знешнепалітычнымі, сельскагаспадарчымі ведамствамі і міністэрствамі адукацыі. Больш актыўна бакі будуць супрацоўнічаць у галіне навукі і інавацый.
