Аляксандр Лукашэнка накіраваўся з афіцыйным візітам у Сербію

Самалёт беларускага лідара вылецеў з Нацыянальнага аэрапорта Мінск пасля абеду. У Бялградзе пройдуць перамовы Прэзідэнта Беларусі з калегам  Аляксандрам Вучычам. Кіраўнікі дзяржаў абмяркуюць развіццё палітычнага дыялогу і эканамічнага ўзаемадзеяння. 

У цэнтры ўвагі будуць рэгіянальны і сусветны парадак дня, а таксама перспектывы павелічэння тавараабароту, ініцыятывы па стварэнні сумесных вытворчасцяў і запуску ўзаемных інвестыцыйных праектаў. Плануецца, што заўтра па выніках перамоў на вышэйшым узроўні будзе падпісаны пакет двухбаковых дакументаў.

А. Вучыч: Візіт А. Лукашэнкі зможа стаць сур'ёзным імпульсам для развіцця нашых адносін

Прэзідэнт Сербіі лічыць, што візіт беларускага лідара надасць сур'ёзны імпульс міждзяржаўным адносінам. Пра гэта Аляксандр Вучыч заявіў у эксклюзіўным інтэрв'ю нашаму тэлеканалу. У аснове дыялогу краін ляжаць дружалюбныя адносіны паміж народамі і лідарамі. Сербія разлічвае і на павелічэнне лічбы агульнага гандлю. Глядзіце інтэрв'ю прэзідэнта Сербіі сёння ў "Панараме".