Нягледзячы на шчыльны графік сустрэч і мерапрыемстваў, пасля заканчэння пасяджэння "еўразійскай пяцёркі" Аляксандр Лукашэнка на палях саміту даў кароткае інтэрв'ю расійскім журналістам. Ведаючы, што наш лідар яркі і шчыры спікер, калегі імкнуцца не прапусціць магчымасці пагутарыць і даведацца пазіцыю беларускага боку. Аляксандр Лукашэнка расказаў, што ў Санкт-Пецярбургу фактычна атрымалася вырашыць праблему прызначэння Генеральнага сакратара АДКБ. На гэту пасаду будзе прызначаны беларускі прадстаўнік. Таксама Аляксандр Лукашэнка анансаваў асобную сустрэчу з Уладзімірам Пуціным у найбліжэйшы час.
Вялікі перагаворны дзень у Санкт-Пецярбургу атрымаўся насычаным. Фармат самітаў ЕАЭС і СНД быў розным, але і ў тым і ў іншым выпадку гэта магчымасць агучыць праблемныя моманты і абмеркаваць пытанні развіцця інтэграцыі, выгаднай усім удзельнікам.
