Усе кандыдаты на пасады ва ўрадзе пройдуць працэдуру абмеркавання і антыкарупцыйны фільтр. Пры гэтым зацягваць з прызначэннямі не варта. Прамаруджанне можа справакаваць некантралюемыя негатыўныя сітуацыі ў эканоміцы. Пра гэта заявіў сёння Прэзідэнт на нарадзе па кадравых пытаннях. Нагадаем, вакансіі ва ўрадзе з'явіліся адразу пасля рэзананснай інспекцыі Аршанскага рэгіёна і сталі лагічным вынікам фактычнага правалу даручэнняў беларускага лідара. У прыватнасці, сваіх пасад пазбавіліся міністры прамысловасці і архітэктуры.
Падчас нарады Аляксандр Лукашэнка зрабіў акцэнт на публічнай дыскусіі вакол адставак ва ўрадзе і паабяцаў адрэагаваць на рыторыку асобных СМІ, уключаючы інтэрнэт-платформы. Кіраўнік дзяржавы адзначыў, што няправільна тлумачыць яго дзеянні, як расправу над чыноўнікамі. У рэжыме асаблівага напружання павінны працаваць усе - і кіраўнікі, да якіх шмат прэтэнзій, і самі жыхары Віцебскай вобласці. Менавіта ў гэтым і логіка даручэнняў Прэзідэнта, і сутнасць асаблівага рэжыму кіравання рэгіёнам.
