У чацвер лідары прымуць удзел у сесіі Савета калектыўнай бяспекі АДКБ.
На саміце падвядуць вынікі беларускага старшынства. Наша краіна сёлета ставіла задачы ўзмацніць уплыў Арганізацыі на міжнароднай арэне, павысіць аператыўную гатовасць калектыўных сіл і гарантаваць эканамічную бяспеку краін АДКБ, а таксама стварыць серыю дадатковых мер для процідзеяння міжнароднаму тэрарызму, наркатрафіку і незаконнай міграцыі. Чакаецца, што па выніках будзе прыняты шэраг рашэнняў у розных кірунках Арганізацыі. Кіраўнікі дзяржаў таксама абмяркуюць найважнейшыя праблемы становішча ў свеце і далейшае развіццё Арганізацыі ў якасці магутнай структуры, якая гарантуе бяспеку ў рэгіёне.
