Арлоўская вобласць - надзейны і перспектыўны партнёр Беларусі.
Аляксандр Лукашэнка сёння сустрэўся з губернатарам гэтага расійскага рэгіёна Вадзімам Патомкіным. Галоўнай тэмай стала эканоміка. Тавараабарот за мінулы год параўнальна з 2014-м скараціўся ўдвая. Сітуацыю дамовіліся выпраўляць. І ўжо сёння намецілі шэраг сумесных праектаў. Каб паскорыць працэс, у Арлоўскай вобласці адкрыецца беларускае прадстаўніцтва, а ў нашай краіне з'явіцца прадстаўніцтва гэтага расійскага рэгіёна.
Ідэю стварэння лагістычнага цэнтра Прэзідэнт падтрымаў. Пра гэта Уладзімір Патомскі расказаў журналістам ужо пасля сустрэчы. Акрамя сельскай гаспадаркі, Арлоўская вобласць гатовая нарошчваць узаемадзеянне ў машынабудаўнічым комплексе, ствараць сумесныя прадпрыемствы. Разам з губернатарам у Мінск прыбылі і профільныя спецыялісты ў галіне АПК, прамысловасці, эканамічнага развіцця. На сёння ў дэлегацыі намечаныя сустрэчы ва ўрадзе і Міністэрстве сельскай гаспадаркі. Таксама губернатар Арлоўскай вобласці наведае Музей гісторыі Вялікай Айчыннай вайны і тэатр оперы і балета.
