Сёння панядзелак, 2 верасня, а гэта значыць, што новы навучальны год стартаваў, і ў школах па ўсёй Беларусі прайшлі ўрачыстыя лінейкі. Для сталічнай жа школы № 93 святам ведаў адкрыўся не толькі чарговы верасень, але і пачалася гісторыя самой навучальнай установы.
Прычым наведаў яе сёння Прэзідэнт Беларусі. Аляксандр Лукашэнка даў вучням параду: атрымліваць у школе максімум ведаў, бо залог паспяховай будучыні – гэта стараннасць і руплівасць. Нягледзячы на святочны настрой, не абмінулі і надзённыя праблемы. Асаблівую ўвагу, перакананы Кіраўнік дзяржавы, цяпер неабходна звярнуць на парадак. Аляксандр Лукашэнка канстатаваў, што дысцыпліна ў школе вельмі ўпала, яе вярнуць даручана міністру адукацыі, губернатарам і мэру Мінска. Разам з тым недапушчальна перагружаць школьнікаў. Прэзідэнт перакананы, што вучэбны працэс павінен праходзіць па формуле 75 на 25, дзе 75 % - гэта веды, атрыманыя ў школе.
Адукацыйны працэс у Беларусі пастаянна ўдасканальваюць: больш сучаснымі сталі падручнікі і методыкі выкладання. Але многае залежыць ад таго, наколькі на вынік накіраваныя самі вучні.
Пасля слоў на дарогу вучням, іх бацькам і педагогам Аляксандр Лукашэнка ўрачыста ўручыў сімвалічныя ключы дырэктару школы. Затым разам з ёй і кіраўніком горада перарэзалі чырвоную стужку. Школьны званок ад першакласніка сімвалізаваў пачатак навучальнага года.
Сёлета за парты ў 93-й школе селі каля 900 вучняў. У першы вучэбны год тут сфарміраваны пяць першых класаў. Свята ведаў асабліва запомніцца не толькі першакласнікам і іх бацькам, але і дзесяцікласнікам. Для іх Аляксандр Лукашэнка правёў першы ўрок. Вучні абмяняліся меркаваннямі аб вучобе, аб выбары будучай прафесіі і аб занятках спортам. І, вядома, не маглі адпусціць Кіраўніка дзяржавы без сумеснага фота.
Прэзідэнт азнаёміўся з магчымасцямі новай школы. Тут створаны ўсе ўмовы, каб атрымаць годную сярэднюю адукацыю. Дзве прасторныя спартыўныя залы, дзе ёсць нават трыбуны для гледачоў, трэнажорная і харэаграфічная залы, вучэбна-трэніровачны цір і два басейны. Абсталяваныя найноўшай тэхнікай кабінеты працы, размешчаныя ў асобным модулі. Вывучаючы асартымент страў школьнай сталовай, Аляксандр Лукашэнка звярнуў увагу на тое, што выбар павінен рабіцца на карысць беларускай кухні і айчынных прадуктаў. Пры гэтым харчаванне ўсіх дзяцей павінна быць арганізавана на высокім узроўні і на роўных умовах.
Падрабязнасці сёння ў “Панараме”.
Александр Лукашенко дал ученикам совет: получать в школе максимум знаний
2 сентября 2019