На працягу двух гадоў беларуская армія павінна атрымаць сучасныя айчынныя ракетныя сістэмы залпавага агню. Такое даручэнне сёння даў Прэзідэнт Аляксандр Лукашэнка па выніках наведвання завода дакладнай электрамеханікі ў Дзяржынскім раёне. У шматпрофільным цэху прадпрыемства Кіраўнік дзяржавы азнаёміўся з ходам работ па лакалізацыі вытворчасці ракет. Старшыня Дзяржваенпрама Сяргей Гурулёў далажыў Прэзідэнту пра выкананне яго даручэнняў па стварэнні ракетнай сістэмы залпавага агню далёкасцю дзвесце кіламетраў. Паводле слоў спецыялістаў, упершыню ў краіне створаны навукова-вытворчы комплекс ракетабудавання.
Аляксандр Лукашэнка, Прэзідэнт Рэспублікі Беларусь: "Каб зразумелая была сутнасць усяго гэтага, а то падумаюць, што мы бразгаем тут зброяй, мускуламі гуляемся, як некаторыя любяць разважаць, у нас сёння, заўтра таксама, выключна абаронная стратэгія: мы ні на каго не збіраемся нападаць, мы будзем абараняцца ад тых, хто паставіць сваёй мэтай на нас нападаць, весці супраць нас вайну, - выключна абарончая стратэгія. Сутнасць яе складаецца ў тым, каб праціўнік задумаўся, перш чым весці супраць нас вайну або ж ствараць нейкі канфлікт. Сутнасць складаецца ў тым, што мы павінны нанесці яму непрымальную шкоду, калі ён вырашыць нас атакаваць. Непрымальная шкода - вось галоўнае, непрымальныя страты, і гэта выключна абарончая тактыка. У нас ёсць усе ўзбраенні: і самалёты, і верталёты, і танкі, і лягчэйшая браня, і стралковая зброя самая сучасная. Гэтай зброяй нанясеш шкоду, але будзе яна непрымальнай - пытанне. Таму ставілася сёння задача, каб нанесці непрымальную шкоду праціўніку, крый божа нам давядзецца весці вайну, мы павінны ў нагу з часам ісці і паставілі задачу распрацаваць сваю ракетную тэхніку. Таму што ракета - гэта сапраўды непрымальная шкода, і калі яна ў раёне 200 км ляціць, гэта ўжо для нашай Беларусі вельмі добрая тэхніка, гэта ўжо зброя суперсучасная, гэта зброя найноўшага пакалення, вось у чым складалася задача, якую я ставіў перад ім і міністрам абароны. Мы яе стварылі, гэтую тэхніку, далей павінен быць новы этап, мы павінны ісці далей у рамках тых міжнародных пагадненняў і дамоў і ствараць больш сучасную ракетную тэхніку. Ну, і другі этап, які тут вы асвоілі, - гэта падаўжэнне тэрміна службы ракет малой, сярэдняй, маленькай далёкасці, для "Градаў" і г.д., для самалётаў, кіруемых, некіруемых, якія раней на сметнік выкідвалі, ды яшчэ за якія грошы ўтылізавалі. Зараз мы іх прыводзім у баявы стан, 10 000 за год - гэта вельмі добра, трэба, значыць, паскорымся, мы для гэтага павінны мець рэсурсы, і ў нас на ўзбраенні застануцца гэтыя сучасныя ракеты, таму градаўскія ракеты не 20, а 60 або 40 км - гэта зусім іншая зброя, таму гэта абсалютна так і правільна. Таму што крый божа канфлікт, а ў нас ёсць зброя, але ўся яна створана не ў нас, і самае галоўнае - боепрыпасы ў нас не ствараюцца, з чым ваяваць будзем? Таму вось рашэнне гэтай праблемы, па-гаспадарску рашэнне. Гэты толькі пачатак, я хачу, каб вы пра гэта ведалі".
Падчас наведвання завода Аляксандр Лукашэнка азнаёміўся з тэхнікай ракет рэактыўнай сістэмы залпавага агню "Паланез" і абсталяваннем для выпрабавання ракетных рухавікоў. У прыватнасці, Кіраўніку дзяржавы былі паказаныя баявая машына, якая транспартуе камплекты пускавых кантэйнераў; транспартна-зараджальная машына, прызначаная для іх пагрузкі, разгрузкі і перавозкі, і машына баявога кіравання.
Сяргей Гурулёў, старшыня Дзяржаўнага ваенна-прамысловага камітэта Беларусі: "Пастаўлена задача больш дасканалыя комплексы да 2016-2017 года паставіць, і мы за гэтую працу бяромся; далей, мы навучыліся і падаўжаем рэсурс, г.зн. зараджаем новае жыццё, гэта не з'яўляецца толькі падфарбоўваннем: цалкам новая электроніка, цалкам новая кампанентная база, і многія сродкі паражэння і авіяцыйнага, і наземнага, будуць ужытыя ў інтарэсах абароны дзяржавы".
Падрабязнасці наведвання Кіраўніком дзяржавы завода дакладнай электрамеханікі глядзіце ўвечар у "Панараме".
