Вядомыя публічныя людзі павінны ствараць моду на здаровы лад жыцця. Глыбокія веды - фарміраваць пачуццё гонару за народ і краіну. Такое меркаванне выказаў Прэзідэнт Беларусі падчас прыёму напярэдадні старога Новага года.
Сустрэча ў такім фармаце ўжо стала добрай традыцыяй. Калі прадстаўнікі вядучых СМІ, творчай інтэлігенцыі, спартсмены і дзяржслужачыя могуць пагутарыць у сяброўскім нефармальным становішчы і абмеркаваць хвалюючыя пытанні. Звяртаючыся да ўдзельнікаў, Аляксандр Лукашэнка адзначыў, што ў сучасным хутказмяняльным свеце беларусам важна не страціць сваю ідэнтычнасць. Бо цяперашняе пакаленне жыве ў вельмі няпросты час, калі няма магчымасці адгарадзіцца ад негатыўных працэсаў звонку. Трэба ўмець ім супрацьстаяць - і ў гэтым заклад будучых поспехаў.
Сёння ж Кіраўнік дзяржавы ўручыў прадстаўнікам СМІ, культуры і мастацтва дзяржаўныя ўзнагароды. Яны прысуджаныя за шматгадовую плённую працу, вялікі асабісты ўклад у развіццё нацыянальнай журналістыкі, значныя дасягненні ў сферы культуры і мастацтва. Сярод узнагароджаных і нашы калегі. Загадчыца аддзела палітычных аглядальнікаў Агенцтва тэленавін Белтэлерадыёкампаніі Вольга Макей удастоеная медаля Францыска Скарыны.
За высокае прафесійнае майстэрства ў асвятленні важных падзей сацыяльна-эканамічнага і грамадска-палітычнага жыцця краіны падазяк Прэзідэнта ўдастоеныя намеснік галоўнага дырэктара АТН Сяргей Хамяніоўскі і намеснік начальніка аддзела спецпраектаў АТН Наталля Ждановіч. За стварэнне адзінай інфармацыйнай прасторы і развіццё беларуска-расійскага супрацоўніцтва ў галіне тэлебачання і радыё ордэнам Францыска Скарыны ўзнагароджаны дырэктар тэлерадыёкампаніі "Мир" у Беларусі Уладзімір Пярцоў. Ганаровае званне "Заслужаны артыст Рэспублікі Беларусь" прысвоена Аляксандру Саладуху за значны асабісты ўклад у развіццё і папулярызацыю беларускага эстраднага мастацтва. Нашы віншаванні!
