У беларускага льнаводства ёсць рэзервы для росту эфектыўнасці. Такое меркаванне выказаў Прэзідэнт на прадпрыемстве "Вусце" Аршанскага раёна.
Гэтая гаспадарка пад эгідай Акадэміі навук спецыялізуецца на вырошчванні льну і нарыхтоўцы насення. На доследных палях выпрабоўваюць перадавыя тэхналогіі, якія затым становяцца арыенцірам для ўсёй галіны. Аляксандр Лукашэнка падрабязна распытаў экспертаў аб перадавых распрацоўках, а таксама пацікавіўся, чым можа дапамагчы дзяржава. Бо лён у Беларусі з'яўляецца культурай, якая гістарычна вырошчваецца, яго яшчэ завуць "паўночным шоўкам". Наша краіна ў пяцёрцы сусветных лідараў па вытворчасці валакна з гэтай культуры. Таму і ад галіны чакаюць максімальнага эфекту. На думку Прэзідэнта, трэба выстраіць выразную сістэму працы, вызначыцца, хто і дзе будзе займацца апрацоўкай. Важная роля адводзіцца навукоўцам: яны не толькі павінны быць наватарамі, але і кантраляваць вынікі працы і актыўна займацца падрыхтоўкай кадраў. Аб перашкодах для эфектыўнай працы Прэзідэнт пацікавіўся ў экспертаў.
Як забяспечыць усе гаспадаркі якасным насеннем айчыннай селекцыі? Гэтае пытанне таксама апынулася адным з асноўных. Прэзідэнт прапанаваў вызначыць 5-6 месцаў у краіне, дзе створаць адпаведныя цэнтры. Таксама найбліжэйшым часам будзе вырашаная праблема недахопу тэхнікі. Для ўборкі льну зараз не хапае парадку 40 машын. Закупамі зоймецца спецыяльная камісія.
Паводле добрай традыцыі, Прэзідэнт прапанаваў усім удзельнікам рабочай паездкі паспрабаваць нарыхтаваць лён уручную. "Браць лён" - так завецца спосаб, якім карысталіся ў Беларусі ў ранейшыя часы. Прадстаўнікі вертыкалі ўлады разам з журналістамі агульнымі намаганнямі сабралі сімвалічны сноп і на эксперыментальным полі. Так традыцыйна стагоддзямі завяршалі нарыхтоўку льну ў нашай краіне.
