Напярэдадні стала вядома, што Камітэт дзяржбяспекі спыніў спробу замаху на Прэзідэнта і яго сыноў і падрыхтоўку ўзброенага мецяжу ў Беларусі.
Такія планы выношвала група, у якую ўваходзілі беларускія і замежныя грамадзяне не без удзелу амерыканскіх спецслужбаў. Падзеі былі запланаваны на чэрвень-ліпень гэтага года. Аляксандр Лукашэнка жорстка выказаўся наконт гэтага факта.
Падраздзяленне антытэрору Камітэта дзяржбяспекі своечасова выкрыла змоўшчыкаў і спыніла іх задумы. Узброены мяцеж у змоўшчыкаў атрымаў кодавую назву "Цішыня". Адным з удзельнікаў сустрэч быў Аляксандр Фядута. Галоўны арганізатар - Юрый Зянковіч, які доўга пражываў у Злучаных Штатах. Ён заяўляў, што ў выпадку правалу за яго гатовы заступіцца Дзярждэпартамент ЗША. Сярод удзельнікаў сустрэчы былі лідар апазіцыйнай партыі БНФ Рыгор Кастусёў, апазіцыянер Ігар Макар, які знаходзіцца за мяжой, і іншыя. У эфіры паказаны запісы абмеркавання планаў злачынства, дакладная схема дзеянняў, пакрокавыя інструкцыі, падбор выканаўцаў. У сваіх абмеркаваннях яны былі канкрэтныя. Рыхтавалі самы сапраўдны пераварот і фізічнае знішчэнне Прэзідэнта і яго дзяцей. Паміж сабою яны называлі сябе ДКНС, хунтай, г. зн. фактычна разумелі, на што ідуць. Пад гэты сцэнарый ішло і фінансаванне з-за мяжы.
І. Тэртэль: У дачыненні да затрыманых Камітэт дзяржбяспекі ўзбудзіў крымінальныя справы
Ужо вядома, што група падтрымлівала цесныя сувязі і з іншымі тэрарыстычнымі фарміраваннямі. Былі падрыхтаваны як мінімум тры сцэнарыі захопу ўлады з абавязковым сілавым уздзеяннем.
