Прэзідэнт сёння ў Жыровічах. Кіраўнік дзяржавы наведвае Свята-Успенскі Жыровіцкі стаўрапігіяльны мужчынскі манастыр.
Гэта святое месца для ўсяго праваслаўнага свету і асаблівае для нашай краіны: тут знаходзіцца адна з самых ушанаваных хрысціянскіх святынь - адзіны ў свеце нерукатворны абраз Божай Маці і самая маленькая на планеце каменная ікона. Ёй на працягу пяці з паловай стагоддзяў маліліся людзі розных канфесій і сацыяльных статусаў. У храме адбылося невялікае набажэнства. Аляксандр Лукашэнка запаліў свечку ля абраза Жыровіцкай Божай Маці.
А. Лукашэнка запаліў свечку ля абраза Жыровіцкай Божай Маці і прыняў удзел у кароткім набажэнстве
Манастыр, які за пяць стагоддзяў перажываў некалькі этапаў спусташэння, сталі аднаўляць чвэрць стагоддзя таму ўжо ў незалежнай Беларусі. Пад патранатам Прэзідэнта была створаная спецыяльная праграма адраджэння жыровіцкага прыстанку. Былі адрэстаўраваныя, адрамантаваныя і ўзноўленыя будынкі семінарыі, інтэрната, трапезных, уладкаваныя святыя крыніцы, завершаныя рэстаўрацыйныя працы званіцы і найстарэйшага брацкага корпуса. Як бы ні было складана, ад клопату аб гэтым духоўным месцы не адмаўляліся. Сёння кіраўнік дзяржавы даручыў добраўпарадкаваць не толькі манастыр, але і самі Жыровічы.
Прэзідэнт ушанаваў памяць мітрапаліта Філарэта
Нямала сіл абнаўленню манастыра аддаў мітрапаліт Філарэт. Ганаровы Патрыяршы Экзарх усяе Беларусі выбраў жыровіцкі прыстанак для свайго апошняга спачынку. Прэзідэнт ушанаваў памяць уладыкі і пакінуў на яго магіле кошык з белымі ружамі - любімымі кветкамі мітрапаліта Філарэта. Ён узначальваў Беларускую праваслаўную царкву больш як 2 дзясяткі гадоў.
Сустрэча Прэзідэнта з духавенствам
У Жыровічах адбылася сустрэча Прэзідэнта з духавенствам. Беларусь прайшла няпросты перыяд у апошні год. Спробы зламаць краіну і бліцкрыг праваліліся. Імкнуліся падключыць храмы. Але праваслаўная царква справілася. Аднак самазаспакаення быць не павінна.
Падрабязнасці размовы ў Жыровічах глядзіце ў наступных выпусках навін.
