Прэзідэнт Беларусі прыняў з дакладам кіраўніка Дзяржаўнага мытнага камітэта

Вынікі працы беларускай мытні за 2019 год абмеркавалі ў Палацы Незалежнасці  Аляксандр Лукашэнка і кіраўнік ДМК. Прэзідэнт звярнуў увагу на выкананне задач, пастаўленых перад ведамствам. Так, экспартныя пошліны знізіліся на траціну праз падзенне аб'ёмаў у нафтавай галіне. Прыбытковую частку бюджэту, за якую адказвае камітэт, і будучы чэмпіянат свету па хакеі таксама абмеркавалі. Пройдзе ён у наступным годзе ў Мінску і Рызе. А вось летась ужо завяршылі мадэрнізацыю пагранперахода "Урбаны" на мяжы з Латвіяй. Кіраўніка дзяржавы цікавілі і іншыя пытанні.

Мытныя органы ў 2019 годзе выявілі 47 000 правапарушэнняў і амаль 400 злачынстваў. З незаконнага абарачэння спецыялісты канфіскавалі больш як паўтоны наркотыкаў. Прычым самыя буйныя партыі зламыснікі спрабавалі паставіць праз нашу краіну ў Расію. Усяго па псіхатропах заведзена 181 крымінальная справа. Спынялі мытнікі і нелегальны перавоз наяўных грошай. Актыўная барацьба з парушальнікамі не адбілася на зручнасці і хуткасці транзіту.

Яркі прыклад: перавозчык з падробленымі расійскімі нумарамі спрабаваў вывезці з Беларусі фуру з грушамі. Дакументы выкарыстоўваліся беларускага прадпрыемства, па накладных - сухое малако. У ДМК адзначылі, што парушальнікі такім чынам падстаўляюць беларускіх экспарцёраў. Транспартны сродак  канфіскаваны. Нячысты на руку і паперы  прадпрымальнік затрыманы. Зрэшты, актыўная барацьба са зламыснікамі не адбілася на зручнасці і хуткасці транзіту.

Пашыраецца і праца Мытнага камітэта на міжнароднай арэне: падпісана 20 пагадненняў з Кітаем, ЗША, Уругваем, Украінай і Еўрапейскім саюзам аб супрацоўніцтве і ўзаемнай дапамозе. Дарэчы, аб інвестыцыях: за мінулы год 23 мільёны еўра ўклалі партнёры, у тым ліку з Пекіна, у паляпшэнне пунктаў пропуску. У цэлым жа агульны транзіт на ЕАЭС вырас на 5 % - гэта 17 мільёнаў тон грузу. Большая частка пайшла ў Расію.