Пасяджэнне Савета міністраў замежных спраў СНД упершыню пройдзе ў фармаце відэаканферэнцыі

Беларусь на сённяшнім пасяджэнні прадставіць кіраўнік знешнепалітычнага ведамства Уладзімір Макей. Міністры абмяркуюць узаемадзеянне краін Садружнасці з ААН і іншымі міжнароднымі арганізацыямі. Ключавая тэма - задачы па процідзеянні распаўсюджвання каранавіруса. Будзе разгледжаны праект міжнароднага моладзевага супрацоўніцтва, а таксама ўзаемадзеяння ў галіне турызму, фізкультуры і спорту на найбліжэйшае дзесяцігоддзе. У парадак дня ўключаныя пытанні партнёрства ў галіне культуры і нацыянальнай бяспекі.