Дакумент быў прыняты ў Варшаве і закліканы абараняць правы ахвяраў такіх злачынстваў. Беларусь - першая на постсавецкай прасторы разгарнула шырокую барацьбу з гэтай негатыўнай з'явай і, па меркаванні экспертаў, далучэнне да еўрапейскай Канвенцыі будзе садзейнічаць як эфектыўнаму расследаванню злачынстваў, так і судоваму праследаванню вінаватых. Дакумент ратыфікавалі ўжо 39 краін.
Дэпутаты прынялі таксама папраўкі ў Закон Аб ахове працы. Так, удакладнены нормы для непаўналетніх. Лёгкую працу яны могуць выконваць ужо з 14 гадоў. Аднак да паўналецця такіх маладых спецыялістаў нельга прыцягваць да начных і звышурочных прац, а таксама ў выхадныя і святы. Законапраект накіраваны таксама на скарачэнне вытворчага траўматызму, прафесійнага захворвання, павышэнне бяспекі працы. Сёння таксама стала вядома, што Беларусь уводзіць штрафы за распаўсюджанне методык вырабу выбуховых рэчываў.
Чалавек, які выкладзе такую інфармацыю, напрыклад у Інтэрнэце, заплаціць дзяржаве ад 1 да 5 мільёнаў рублёў. Калі парушальнік - юрыдычная асоба, то штраф павялічваецца адразу ў дзесяць разоў. У асаблівых выпадках прадугледжаны і арышт. Як адзначаюць у Камітэце дзяржбяспекі, фактаў распаўсюджвання ў нашай краіне такой інфармацыі пакуль няма, але яна практычна ў неабмежаваным доступе знаходзіцца ў Інтэрнэце. Ініцыятыву сілавікоў падтрымалі дэпутаты.
